aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sarfaroshi ki tamanna ab hamare dil mein hai

Bismil Azimabadi

sarfaroshi ki tamanna ab hamare dil mein hai

Bismil Azimabadi

MORE BYBismil Azimabadi

    Interesting Fact

    The poem Sarfaroshi Ki Tamanna's popularity and creation are often attributed to Ram Prasad Bismil. However, scholars have refuted this myth and have correctly attributed this ghazal to its rightful creator, Bismil Azimabadi. The Ghazal "Sarfaroshi Ki Tamanna" is sourced from Bismil Azimadi's book Hikayat-e-Hasti, available on Rekhta e-Books. It is said that when Ram Prasad Bismil was put on the gallows, the opening lines of this poem were on his lips.

    sarfaroshī tamannā ab hamāre dil meñ hai

    dekhnā hai zor kitnā bāzū-e-qātil meñ hai

    ai shahīd-e-mulk-o-millat maiñ tire uupar nisār

    le tirī himmat charchā ġhair mahfil meñ hai

    vaa.e qismat paañv ai zo.af kuchh chaltī nahīñ

    kārvāñ apnā abhī tak pahlī manzil meñ hai

    rahrav-e-rāh-e-mohabbat rah na jaanā raah meñ

    lazzat-e-sahrā-navardī dūrī-e-manzil meñ hai

    shauq se rāh-e-mohabbat musībat jhel le

    ik ḳhushī raaz pinhāñ jāda-e-manzil meñ hai

    aaj phir maqtal meñ qātil kah rahā hai baar baar

    aa.eñ vo shauq-e-shahādat jin ke jin ke dil meñ hai

    marne vaalo aao ab gardan kaTāo shauq se

    ye ġhanīmat vaqt hai ḳhanjar kaf-e-qātil meñ hai

    māne-e-iz.hār tum ko hai hayā, ham ko adab

    kuchh tumhāre dil ke andar kuchh hamāre dil meñ hai

    mai-kada sunsān ḳhum ulTe paḌe haiñ jaam chuur

    sar-nigūñ baiThā hai saaqī jo tirī mahfil meñ hai

    vaqt aane de dikhā deñge tujhe ai āsmāñ

    ham abhī se kyuuñ batā.eñ kyā hamāre dil meñ hai

    ab na agle valvale haiñ aur na vo armāñ bhiiḌ

    sirf miT jaane ik hasrat dil-e-'bismil' meñ hai

    sarfaroshi ki tamanna ab hamare dil mein hai

    dekhna hai zor kitna bazu-e-qatil mein hai

    ai shahid-e-mulk-o-millat main tere upar nisar

    le teri himmat ka charcha ghair ki mahfil mein hai

    wae qismat panw ki ai zoaf kuchh chalti nahin

    karwan apna abhi tak pahli hi manzil mein hai

    rahraw-e-rah-e-mohabbat rah na jaana rah mein

    lazzat-e-sahra-nawardi duri-e-manzil mein hai

    shauq se rah-e-mohabbat ki musibat jhel le

    ek KHushi ka raaz pinhan jada-e-manzil mein hai

    aaj phir maqtal mein qatil kah raha hai bar bar

    aaen wo shauq-e-shahadat jin ke jin ke dil mein hai

    marne walo aao ab gardan kaTao shauq se

    ye ghanimat waqt hai KHanjar kaf-e-qatil mein hai

    mane-e-izhaar tum ko hai haya, hum ko adab

    kuchh tumhaare dil ke andar kuchh hamare dil mein hai

    mai-kada sunsan KHum ulTe paDe hain jam chur

    sar-nigun baiTha hai saqi jo teri mahfil mein hai

    waqt aane de dikha denge tujhe ai aasman

    hum abhi se kyun bataen kya hamare dil mein hai

    ab na agle walwale hain aur na wo arman ki bhiD

    sirf miT jaane ki ek hasrat dil-e-'bismil' mein hai

    Source:

    Hikayat-e-Hasti (Pg. 46)

    • Author: Bismil Azimabadi
      • Publisher: Syed Shah Akhtar Hasan
      • Year of Publication: 1980

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now