insan jo hain inko kabhi kamtar nahin dekha

insāñ jo haiñ in ko kabhī kamtar nahīñ dekhā

ḳhud raah kā ḳham hote hue sar nahīñ dekhā

tum bahr-e-mohabbat ke kināre pe khaḌe the

tum ne mirī āñkhoñ meñ samundar nahīñ dekhā

yuuñ biit ga.ī shahr-e-ġharībāñ meñ mirī umr

ḳhush-hāl yahāñ maiñ ne koī ghar nahīñ dekhā

dil ḳhaak huā pyaar kī is aag meñ jal kar

aur jhāñk ke us ne kabhī andar nahīñ dekhā

āvāz pe āvāz vo detā rahā 'nayyar'

ham ne use ik baar bhī muḌ kar nahīñ dekhā

insan jo hain in ko kabhi kamtar nahin dekha

KHud rah ka KHam hote hue sar nahin dekha

tum bahr-e-mohabbat ke kinare pe khaDe the

tum ne meri aankhon mein samundar nahin dekha

yun bit gai shahr-e-ghariban mein meri umr

KHush-haal yahan main ne koi ghar nahin dekha

dil KHak hua pyar ki is aag mein jal kar

aur jhank ke us ne kabhi andar nahin dekha

aawaz pe aawaz wo deta raha 'nayyar'

hum ne use ek bar bhi muD kar nahin dekha