de rahe hain jis ko topon ki salami aadmi

de rahe haiñ jis ko topoñ kī salāmī aadmī

kyā kahūñ tum se ki hai kitnā harāmī aadmī

bhiiḌ chhaT jā.egī tab us kī samajh meñ aa.egā

ek akelā aadmī hai azdahāmī aadmī

kyā dikhāte ho miyāñ, parcha hameñ aḳhbār kā

ham ne dekhe haiñ bahut naamī girāmī aadmī

paañv meñ juutā nahīñ hai, peT meñ roTī nahīñ

le ke kyā chāTegā ḳhālī nek-nāmī aadmī

uTh ke jā baiThā vahī ashrāfiya kī god meñ

ham ġharīboñ ne jise samjhā avāmī aadmī

qais sāhab kis liye bhaTkeñge najd-e-shauq meñ

mil hī jā.egā koī ham sā maqāmī aadmī

dil ki hai shīrāza-e-hastī havā kī zad pe hai

aadmī ai aadmī ai intizāmī aadmī

de rahe hain jis ko topon ki salami aadmi

kya kahun tum se ki hai kitna harami aadmi

bhiD chhaT jaegi tab us ki samajh mein aaega

ek akela aadmi hai azdahami aadmi

kya dikhate ho miyan, parcha hamein aKHbar ka

hum ne dekhe hain bahut nami girami aadmi

panw mein juta nahin hai, peT mein roTi nahin

le ke kya chaTega KHali nek-nami aadmi

uTh ke ja baiTha wahi ashrafiya ki god mein

hum gharibon ne jise samjha awami aadmi

qais sahab kis liye bhaTkenge najd-e-shauq mein

mil hi jaega koi hum sa maqami aadmi

dil ki hai shiraaza-e-hasti hawa ki zad pe hai

aadmi ai aadmi ai intizami aadmi