insha-ji uTho ab kuch karo is shahr mein ji ko lagana kya Popular Choice

Roman

Click on any word for its meaning

previous

'inshā'-jī uTho ab kuuch karo is shahr meñ ko lagānā kyā


vahshī ko sukūñ se kyā matlab jogī nagar meñ Thikānā kyā

is dil ke darīda dāman ko dekho to sahī socho to sahī


jis jholī meñ sau chhed hue us jholī phailānā kyā

shab biitī chāñd bhī Duub chalā zanjīr paḌī darvāze meñ


kyuuñ der ga.e ghar aa.e ho sajnī se karoge bahānā kyā

phir hijr lambī raat miyāñ sanjog to yahī ek ghaḌī


jo dil meñ hai lab par aane do sharmānā kyā ghabrānā kyā

us roz jo un ko dekhā hai ab ḳhvāb aalam lagtā hai


us roz jo un se baat huī vo baat bhī thī afsānā kyā

us husn ke sachche motī ko ham dekh sakeñ par chhū na sakeñ


jise dekh sakeñ par chhū na sakeñ vo daulat kyā vo ḳhazānā kyā

us ko bhī jalā dukhte hue man ik sho.ala laal bhabūkā ban


yuuñ aañsū ban bah jaanā kyā yuuñ maaTī meñ mil jaanā kyā

jab shahr ke log na rastā deñ kyuuñ ban meñ na bisrām kare


dīvānoñ na baat kare to aur kare dīvānā kyā

'insha'-ji uTho ab kuch karo is shahr mein ji ko lagana kya


wahshi ko sukun se kya matlab jogi ka nagar mein Thikana kya

is dil ke darida daman ko dekho to sahi socho to sahi


jis jholi mein sau chhed hue us jholi ka phailana kya

shab biti chand bhi Dub chala zanjir paDi darwaze mein


kyun der gae ghar aae ho sajni se karoge bahana kya

phir hijr ki lambi raat miyan sanjog ki to yahi ek ghaDi


jo dil mein hai lab par aane do sharmana kya ghabrana kya

us roz jo un ko dekha hai ab KHwab ka aalam lagta hai


us roz jo un se baat hui wo baat bhi thi afsana kya

us husn ke sachche moti ko hum dekh saken par chhu na saken


jise dekh saken par chhu na saken wo daulat kya wo KHazana kya

us ko bhi jala dukhte hue man ek shoala lal bhabuka ban


yun aansu ban bah jaana kya yun maTi mein mil jaana kya

jab shahr ke log na rasta den kyun ban mein na ja bisram kare


diwanon ki si na baat kare to aur kare diwana kya

Commentary by Frances Pritchett

Close Source content commmentary source
next

SAY SOMETHING ABOUT THIS GHAZAL

comments powered by Disqus
x