jo bekason pe sitam bar-bar karte hain
jo bekasoñ pe sitam bār-bār karte haiñ
vaqār-e-ins ko vo dāġh-dār karte haiñ
hayāt-e-ins ko be-shak jo zau-fishāñ kar de
ġhamoñ ke lamhe vo paidā shi'ār karte haiñ
vo vā'da kar ke nahīñ aa.e aaj tak lekin
hamārā zarf ki ham intizār karte haiñ
mirī ḳhatāoñ ko is tarh darguzar kar ke
haqīqatan vo mujhe sharmsār karte haiñ
ye baat soch ke 'mūsā' kā zehn hai bechain
charāġh kaise havā kā shikār karte haiñ
jo bekason pe sitam bar-bar karte hain
waqar-e-ins ko wo dagh-dar karte hain
hayat-e-ins ko be-shak jo zau-fishan kar de
ghamon ke lamhe wo paida shi'ar karte hain
wo wa'da kar ke nahin aae aaj tak lekin
hamara zarf ki hum intizar karte hain
meri KHataon ko is tarh darguzar kar ke
haqiqatan wo mujhe sharmsar karte hain
ye baat soch ke 'musa' ka zehn hai bechain
charagh kaise hawa ka shikar karte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
