ya to ruk jao ki shayad mera yar aa jae

yā to ruk jaao ki shāyad mirā yaar aa jaa.e

ghoñp do varna ye ḳhanjar ki qarār aa jaa.e

kyā ḳhabar tere tabassum kī kushāda rut meñ

mere nāshād laboñ par bhī bahār aa jaa.e

kyā ye taklīf hī hamrāh rahegī merī

kaash pairoñ tale is ke koī ḳhaar aa jaa.e

zeb-o-zīnat na kar itnī ki kahīñ le ke fuġhāñ

kal ko dar par tire phūloñ kī qatār aa jaa.e

is liye kī hai mohabbat kī zamīñ tar us ne

ḳhushk hoñ jaise hī aañsū to darār aa jaa.e

ya to ruk jao ki shayad mera yar aa jae

ghonp do warna ye KHanjar ki qarar aa jae

kya KHabar tere tabassum ki kushada rut mein

mere nashad labon par bhi bahaar aa jae

kya ye taklif hi hamrah rahegi meri

kash pairon tale is ke koi KHar aa jae

zeb-o-zinat na kar itni ki kahin le ke fughan

kal ko dar par tere phulon ki qatar aa jae

is liye ki hai mohabbat ki zamin tar us ne

KHushk hon jaise hi aansu to darar aa jae