اقبال کا زماں ہے جو ہے زماں ہمارا

اقبال کا زماں ہے جو ہے زماں ہمارا

ہندوستاں ہمارا سارا جہاں ہمارا

تکثیریت کا حامل جمہوریت کا حامل

عظمت نشاں سراسر ہندوستاں ہمارا

زر کی ہوس نہیں کچھ شہرت میں رس نہیں کچھ

سر پر رہے سلامت اک سائباں ہمارا

رکھے ہیں ہم نے چن کے گرچہ ہیں چار تنکے

ہم کو عزیز جاں سے یہ آشیاں ہمارا

محو دعا ہے ہر دم اردو زباں ہماری

یا رب رہے سلامت امن و اماں ہمارا

ہر گل کا رنگ الگ ہے ہر گل کی بو جدا ہے

ہر دم رہے مہکتا یہ گلستاں ہمارا

ذہن و دل و زباں پر سہ رنگی ہے ترانہ

فتح و ظفر کا پرچم قومی نشاں ہمارا