majnun ne shahr chhoDa to sahra bhi chhoD de
Interesting Fact
From Part-1 till 1905 (Bang-e-Dara)
majnūñ ne shahr chhoḌā to sahrā bhī chhoḌ de
nazzāre kī havas ho to lailā bhī chhoḌ de
vaa.iz kamāl-e-tark se miltī hai yaañ murād
duniyā jo chhoḌ dī hai to uqbā bhī chhoḌ de
taqlīd kī ravish se to behtar hai ḳhud-kushī
rasta bhī DhūñD ḳhizr kā saudā bhī chhoḌ de
mānind-e-ḳhāma terī zabāñ par hai harf-e-ġhair
begāna shai pe nāzish-e-bejā bhī chhoḌ de
lutf-e-kalām kyā jo na ho dil meñ dard-e-ishq
bismil nahīñ hai tū to taḌapnā bhī chhoḌ de
shabnam kī tarah phūloñ pe ro aur chaman se chal
is baaġh meñ qayām kā saudā bhī chhoḌ de
hai āshiqī meñ rasm alag sab se baiThnā
but-ḳhāna bhī haram bhī kalīsā bhī chhoḌ de
saudā-garī nahīñ ye ibādat ḳhudā kī hai
ai be-ḳhabar jazā kī tamannā bhī chhoḌ de
achchhā hai dil ke saath rahe pāsbān-e-aql
lekin kabhī kabhī ise tanhā bhī chhoḌ de
jiinā vo kyā jo ho nafas-e-ġhair par madār
shohrat kī zindagī kā bharosā bhī chhoḌ de
shoḳhī sī hai savāl-e-mukarrar meñ ai kalīm
shart-e-razā ye hai ki taqāzā bhī chhoḌ de
vaa.iz subūt laa.e jo mai ke javāz meñ
'iqbāl' ko ye zid hai ki piinā bhī chhoḌ de
majnun ne shahr chhoDa to sahra bhi chhoD de
nazzare ki hawas ho to laila bhi chhoD de
waiz kamal-e-tark se milti hai yan murad
duniya jo chhoD di hai to uqba bhi chhoD de
taqlid ki rawish se to behtar hai KHud-kushi
rasta bhi DhunD KHizr ka sauda bhi chhoD de
manind-e-KHama teri zaban par hai harf-e-ghair
begana shai pe nazish-e-beja bhi chhoD de
lutf-e-kalam kya jo na ho dil mein dard-e-ishq
bismil nahin hai tu to taDapna bhi chhoD de
shabnam ki tarah phulon pe ro aur chaman se chal
is bagh mein qayam ka sauda bhi chhoD de
hai aashiqi mein rasm alag sab se baiThna
but-KHana bhi haram bhi kalisa bhi chhoD de
sauda-gari nahin ye ibaadat KHuda ki hai
ai be-KHabar jaza ki tamanna bhi chhoD de
achchha hai dil ke sath rahe pasban-e-aql
lekin kabhi kabhi ise tanha bhi chhoD de
jina wo kya jo ho nafas-e-ghair par madar
shohrat ki zindagi ka bharosa bhi chhoD de
shoKHi si hai sawal-e-mukarrar mein ai kalim
shart-e-raza ye hai ki taqaza bhi chhoD de
waiz subut lae jo mai ke jawaz mein
'iqbaal' ko ye zid hai ki pina bhi chhoD de
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
