tum se pahle wo jo ek shaKHs yahan taKHt-nashin tha
tum se pahle vo jo ik shaḳhs yahāñ taḳht-nashīñ thā
us ko bhī apne ḳhudā hone pe itnā hī yaqīñ thā
koī Thahrā ho jo logoñ ke muqābil to batāo
vo kahāñ haiñ ki jinheñ naaz bahut apne ta.iiñ thā
aaj so.e haiñ tah-e-ḳhāk na jaane yahāñ kitne
koī shola koī shabnam koī mahtāb-jabīñ thā
ab vo phirte haiñ isī shahr meñ tanhā liye dil ko
ik zamāne meñ mizāj un kā sar-e-arsh-e-barīñ thā
chhoḌnā ghar kā hameñ yaad hai 'jālib' nahīñ bhūle
thā vatan zehn meñ apne koī zindāñ to nahīñ thā
tum se pahle wo jo ek shaKHs yahan taKHt-nashin tha
us ko bhi apne KHuda hone pe itna hi yaqin tha
koi Thahra ho jo logon ke muqabil to batao
wo kahan hain ki jinhen naz bahut apne tain tha
aaj soe hain tah-e-KHak na jaane yahan kitne
koi shola koi shabnam koi mahtab-jabin tha
ab wo phirte hain isi shahr mein tanha liye dil ko
ek zamane mein mizaj un ka sar-e-arsh-e-barin tha
chhoDna ghar ka hamein yaad hai 'jalib' nahin bhule
tha watan zehn mein apne koi zindan to nahin tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
