iradon ki shikaston par sana-KHwani se pahchana

irādoñ kī shikastoñ par sanā-ḳhvānī se pahchānā

ḳhudāyā maiñ ne tujh ko kitnī āsānī se pahchānā

ka.ī logoñ ne phalte phūlte peḌoñ se jaanā hai

magar maiñ ne tujhe sabze kī uryānī se pahchānā

mire sajde isī duniyā meñ mere kaam aa.e haiñ

mire qātil ne mujh ko merī peshānī se pahchānā

kabhī dekhā ki dil kaise sikuḌtā hai zarūrat par

kabhī duniyā ko paisoñ kī farāvānī se pahchānā

rag-o-pai meñ dar aatā hai 'sharar' har sher kā nashsha

ġhazal ko bārhā tartīb-e-jismānī se pahchānā

iradon ki shikaston par sana-KHwani se pahchana

KHudaya main ne tujh ko kitni aasani se pahchana

kai logon ne phalte phulte peDon se jaana hai

magar main ne tujhe sabze ki uryani se pahchana

mere sajde isi duniya mein mere kaam aae hain

mere qatil ne mujh ko meri peshani se pahchana

kabhi dekha ki dil kaise sikuDta hai zarurat par

kabhi duniya ko paison ki farawani se pahchana

rag-o-pai mein dar aata hai 'sharar' har sher ka nashsha

ghazal ko barha tartib-e-jismani se pahchana