irfan ki faza mein farzangi se daman

irfān kī fazā meñ farzāngī se dāman

ā.īna sub.h ko ho shab kī namī se dāman

jazbāt kī jilau meñ shā.istagī se dāman

sar-chashma zindagī kā ho zindagī se dāman

ehsās kī ḳhalish se tanhā.ī kī tapish se

rishtoñ kī tāzgī ho tar-dāmanī se dāman

shīsha-garoñ kī qismat abr-e-ravāñ kī qurbat

shola-fishāñ ho varna shīshagarī se dāman

zar kī havas se ḳhālī rūhāniyat kā paikar

maġhrib kī vādiyoñ meñ vābastagī se dāman

'īmān' kī shuā.eñ jalva-numā hoñ jis dam

mīnār raushnī kā ho raushnī se dāman

irfan ki faza mein farzangi se daman

aaina subh ko ho shab ki nami se daman

jazbaat ki jilau mein shaistagi se daman

sar-chashma zindagi ka ho zindagi se daman

ehsas ki KHalish se tanhai ki tapish se

rishton ki tazgi ho tar-damani se daman

shisha-garon ki qismat abr-e-rawan ki qurbat

shola-fishan ho warna shishagari se daman

zar ki hawas se KHali ruhaniyat ka paikar

maghrib ki wadiyon mein wabastagi se daman

'iman' ki shuaen jalwa-numa hon jis dam

minar raushni ka ho raushni se daman