is aaine se nikal aur KHud ko tanha kar

is aa.ine se nikal aur ḳhud ko tanhā kar

kabhī to sāmne aa ke koī tamāshā kar

maiñ duur hotī chalī jā rahī huuñ markaz se

mujhe sameT mire dā.ere ko chhoTā kar

hujūm-e-kizb-o-riyā se bachā le aa ke zarā

vajūd-e-sidq-o-safā meñ mujhe akelā kar

har ek baat bayāñ karne kī nahīñ hotī

jo an-kahī rahe us baat ko bhī samjhā kar

nahīñ hai kuchh bhī man-o-tū kā imtiyāz yahāñ

ḳhud apnī zaat se bāhar nikal ke sochā kar

is aaine se nikal aur KHud ko tanha kar

kabhi to samne aa ke koi tamasha kar

main dur hoti chali ja rahi hun markaz se

mujhe sameT mere daere ko chhoTa kar

hujum-e-kizb-o-riya se bacha le aa ke zara

wajud-e-sidq-o-safa mein mujhe akela kar

har ek baat bayan karne ki nahin hoti

jo an-kahi rahe us baat ko bhi samjha kar

nahin hai kuchh bhi man-o-tu ka imtiyaz yahan

KHud apni zat se bahar nikal ke socha kar