is ada se koi aaya baam par

is adā se koī aaya baam par

ho gayā dhokā sahar kā shaam par

ham se kyā dekhā jo parda kar liyā

harf aaya āshiqoñ ke naam par

ahd kar ke aap hī jab phir ga.e

zor kyā hai gardish-e-ayyām par

shādī-e-be-ma.anī be-illat nahīñ

mar-miTā huuñ phir kisī gulfām par

kis ko samjhā huuñ tirī pahlī nazar

miT rahā huuñ lazzat-e-ālām par

mar gayā sun kar naved-e-vasl-e-yār

rahmat-e-haq 'maikash'-e-nākām par

is ada se koi aaya baam par

ho gaya dhoka sahar ka sham par

hum se kya dekha jo parda kar liya

harf aaya aashiqon ke nam par

ahd kar ke aap hi jab phir gae

zor kya hai gardish-e-ayyam par

shadi-e-be-mani be-illat nahin

mar-miTa hun phir kisi gulfam par

kis ko samjha hun teri pahli nazar

miT raha hun lazzat-e-alam par

mar gaya sun kar nawed-e-wasl-e-yar

rahmat-e-haq 'maikash'-e-nakaam par