is ahd mein ilahi mohabbat ko kya hua
is ahd meñ ilāhī mohabbat ko kyā huā
chhoḌā vafā ko un ne muravvat ko kyā huā
ummid-vār-e-vāda-e-dīdār mar chale
aate hī aate yaaro qayāmat ko kyā huā
kab tak tazallum aah bhalā marg ke ta.iiñ
kuchh pesh aayā vāqi.a rahmat ko kyā huā
us ke ga.e par aise ga.e dil se ham-nashīñ
ma.alūm bhī huā na ki tāqat ko kyā huā
baḳhshish ne mujh ko abr-e-karam kī kiyā ḳhajil
ai chashm josh-e-ashk-e-nadāmat ko kyā huā
jaatā hai yaar teġh-ba-kaf ġhair kī taraf
ai kushta-e-sitam tirī ġhairat ko kyā huā
thī sa.ab āshiqī kī badāyat hī 'mīr' par
kyā jāniye ki hāl-e-nihāyat ko kyā huā
is ahd mein ilahi mohabbat ko kya hua
chhoDa wafa ko un ne murawwat ko kya hua
ummid-war-e-wada-e-didar mar chale
aate hi aate yaro qayamat ko kya hua
kab tak tazallum aah bhala marg ke tain
kuchh pesh aaya waqia rahmat ko kya hua
us ke gae par aise gae dil se ham-nashin
malum bhi hua na ki taqat ko kya hua
baKHshish ne mujh ko abr-e-karam ki kiya KHajil
ai chashm josh-e-ashk-e-nadamat ko kya hua
jata hai yar tegh-ba-kaf ghair ki taraf
ai kushta-e-sitam teri ghairat ko kya hua
thi sab aashiqi ki badayat hi 'mir' par
kya jaaniye ki haal-e-nihayat ko kya hua
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
