is baat ko bhulen na musalman KHuda ke

is baat ko bhūleñ na musalmān ḳhudā ke

kāfir bhī haqīqat meñ haiñ insān ḳhudā ke

vo kaun hai jis ko nahīñ kuchh us se shikāyat

vo kaun hai jis par nahīñ ehsān ḳhudā ke

baḌhtā hī chalā jaatā hai duniyā meñ ta.assub

bante hī chale jaate haiñ aivān ḳhudā ke

jaltī haiñ bahar-hāl gunāhoñ kī sazā.eñ

karte raheñ ham kitne bhī gun-gān ḳhudā ke

duniyā to haqīqat meñ hai ik rain-baserā

ham sab to haiñ kuchh vaqt ke mehmān ḳhudā ke

mar kar bhī zarūrī nahīñ pā.eñge rihā.ī

duniyā ke alāva bhī haiñ zindān ḳhudā ke

socho to zarā bhī nahīñ insān kī vaq.at

sudh-budh bhī ḳhudā kī hai dil-o-jān ḳhudā ke

'parvāz' kabhī ġhaur se ye baat bhī socheñ

ik baar bhī kaam aaya hai insān ḳhudā ke

is baat ko bhulen na musalman KHuda ke

kafir bhi haqiqat mein hain insan KHuda ke

wo kaun hai jis ko nahin kuchh us se shikayat

wo kaun hai jis par nahin ehsan KHuda ke

baDhta hi chala jata hai duniya mein tassub

bante hi chale jate hain aiwan KHuda ke

jalti hain bahar-haal gunahon ki sazaen

karte rahen hum kitne bhi gun-gan KHuda ke

duniya to haqiqat mein hai ek rain-basera

hum sab to hain kuchh waqt ke mehman KHuda ke

mar kar bhi zaruri nahin paenge rihai

duniya ke alawa bhi hain zindan KHuda ke

socho to zara bhi nahin insan ki waqat

sudh-budh bhi KHuda ki hai dil-o-jaan KHuda ke

'parwaz' kabhi ghaur se ye baat bhi sochen

ek bar bhi kaam aaya hai insan KHuda ke