is bhare shahr mein aaram main kaise paun

Shahzad Ahmad

is bhare shahr mein aaram main kaise paun

Shahzad Ahmad

MORE BYShahzad Ahmad

    is bhare shahr meñ ārām maiñ kaise pā.ūñ

    jāgte chīḳhte rañgoñ ko kahāñ le jā.ūñ

    pairahan chust havā sust khaḌī dīvāreñ

    use chāhūñ use rokūñ ki judā ho jā.ūñ

    husn bāzār zīnat hai magar hai to sahī

    ghar se niklā huuñ to us chauk se bhī ho aa.uuñ

    laḌkiyāñ kaun se goshe meñ ziyāda hoñgī

    na karūñ baat magar peḌ to gintā jā.ūñ

    kar rahā huuñ jise badnām galī-kūchoñ meñ

    aañkh bhī us se milāte hue maiñ gharā.ūñ

    vo mujhe pyaar se dekhe bhī to phir kyā hogā

    mujh meñ itnī bhī sakat kab hai ki dhokā khā.ūñ

    husn ḳhud ek bhikārī hai mujhe kyā degā

    kis tavaqqo.a pe maiñ dāmān-e-nazar phailā.ūñ

    vāqi.a kuchh bhī ho sach kahne meñ rusvā.ī hai

    kyuuñ na ḳhāmosh rahūñ ahl-e-nazar kahlā.ūñ

    ek muddat se ka.ī saa.e mirī taak meñ haiñ

    kab talak raat dīvār se sar Takrā.ūñ

    ādmiyat hai ki hai gumbad-e-be-dar koī

    DhūñDne niklūñ to apnā bhī na rasta pā.ūñ

    liye phirtā huuñ ḳhayāloñ dahaktā dozaḳh

    sar se ye bojh utārūñ to ḳhudā ho jā.ūñ

    is bhare shahr mein aaram main kaise paun

    jagte chiKHte rangon ko kahan le jaun

    pairahan chust hawa sust khaDi diwaren

    use chahun use rokun ki juda ho jaun

    husn bazar ki zinat hai magar hai to sahi

    ghar se nikla hun to us chauk se bhi ho aaun

    laDkiyan kaun se goshe mein ziyaada hongi

    na karun baat magar peD to ginta jaun

    kar raha hun jise badnam gali-kuchon mein

    aankh bhi us se milate hue main gharaun

    wo mujhe pyar se dekhe bhi to phir kya hoga

    mujh mein itni bhi sakat kab hai ki dhoka khaun

    husn KHud ek bhikari hai mujhe kya dega

    kis tawaqqoa pe main daman-e-nazar phailaun

    waqia kuchh bhi ho sach kahne mein ruswai hai

    kyun na KHamosh rahun ahl-e-nazar kahlaun

    ek muddat se kai sae meri tak mein hain

    kab talak raat ki diwar se sar Takraun

    aadmiyat hai ki hai gumbad-e-be-dar koi

    DhunDne niklun to apna bhi na rasta paun

    liye phirta hun KHayalon ka dahakta dozaKH

    sar se ye bojh utarun to KHuda ho jaun

    Source :
    • Book : Deewar pe dastak (Pg. 365)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY