is daur-e-muflisi ka humne ilaj dekha

is daur-e-muflisī kā ham ne 'ilāj dekhā

saare suḳhanvaroñ ko ‘āshiq-mizāj dekhā

mahtāb dekhtā thā maiñ ghar kī khiḌkiyoñ se

mahtāb ne darīche se mujh ko aaj dekhā

aaj āḳhirī daf'a thā paanī se peT bharnā

bachchoñ ne aaj jā kar ghar meñ anaaj dekhā

sach kī Dagar pe jab bhī rakkhe qadam kisī ne

pahle to dekhī ġhurbat phir taḳht-o-tāj dekhā

is daur-e-muflisi ka hum ne 'ilaj dekha

sare suKHanwaron ko ‘ashiq-mizaj dekha

mahtab dekhta tha main ghar ki khiDkiyon se

mahtab ne dariche se mujh ko aaj dekha

aaj aaKHiri daf'a tha pani se peT bharna

bachchon ne aaj ja kar ghar mein anaj dekha

sach ki Dagar pe jab bhi rakkhe qadam kisi ne

pahle to dekhi ghurbat phir taKHt-o-taj dekha