is gardish-e-mudam se ghabra gaya hun main

is gardish-e-mudām se ghabrā gayā huuñ maiñ

raftār ek sī hai to uktā gayā huuñ maiñ

har pal hujūm-e-yās kā paikar banā huā

aksar is ek haal meñ dekhā gayā huuñ maiñ

pazhmurda zindagī se to pīchhā chhuTe ki bas

har din ḳhushī kī aas meñ martā gayā huuñ maiñ

apnoñ ko apnā kahte hue aa.e sharm sī

kis kis nazar se dosto dekhā gayā huuñ maiñ

maiñ ne nadīm rakh to liyā husn kā bharam

par ishq kī chitā meñ jalāyā gayā huuñ maiñ

le kar uThā huuñ phir se maiñ ik aur azm-e-nau

'āzim' ke naam se bhī to jaanā gayā huuñ maiñ

is gardish-e-mudam se ghabra gaya hun main

raftar ek si hai to ukta gaya hun main

har pal hujum-e-yas ka paikar bana hua

aksar is ek haal mein dekha gaya hun main

pazhmurda zindagi se to pichha chhuTe ki bas

har din KHushi ki aas mein marta gaya hun main

apnon ko apna kahte hue aae sharm si

kis kis nazar se dosto dekha gaya hun main

main ne nadim rakh to liya husn ka bharam

par ishq ki chita mein jalaya gaya hun main

le kar uTha hun phir se main ek aur azm-e-nau

'azim' ke nam se bhi to jaana gaya hun main