is jism ki hai panch anasir se banawaT

is jism kī hai pāñch anāsir se banāvaT

aql-o-dil-o-pindār kī saarī hai bunāvaT

haiñ hāfiza idrāk tamīz aur taḳhayyul

afa.ali-o-ilmī ḳhamasāt us kī sajāvaT

ta.amīr jin ajzā se huī ḳhāna-e-tan kī

hai jaan se un sab kī numūdār dikhāvaT

aate hue is tan meñ na jaate hue tan se

hai jān-e-makīñ ko na lagāvaT na rukāvaT

insāf kī mīzāñ meñ use tol to 'sāhir'

sab sach hai nahīñ jhuuT kī kuchh us meñ milāvaT

is jism ki hai panch anasir se banawaT

aql-o-dil-o-pindar ki sari hai bunawaT

hain hafiza idrak tamiz aur taKHayyul

afali-o-ilmi KHamasat us ki sajawaT

tamir jin ajza se hui KHana-e-tan ki

hai jaan se un sab ki numudar dikhawaT

aate hue is tan mein na jate hue tan se

hai jaan-e-makin ko na lagawaT na rukawaT

insaf ki mizan mein use tol to 'sahir'

sab sach hai nahin jhuT ki kuchh us mein milawaT