isko pahli bar KHat likkha to dil dhaDka bahut

is ko pahlī baar ḳhat likkhā to dil dhaḌkā bahut

kyā javāb aa.egā kaise aa.egā Dar thā bahut

jaan de deñge agar duniyā ne rokā rāsta

aur koī hal na niklā ham ne to sochā bahut

ab samajh lete haiñ mīThe lafz kī kaḌvāhaTeñ

ho gayā hai zindagī kā tajraba thoḌā bahut

soch lo pahle hamāre haath meñ phir haath do

ishq vāloñ ke liye haiñ aag ke dariyā bahut

vo thī āñgan meñ paḌosī ke maiñ ghar kī chhat pe thā

dūriyoñ ne aaj bhī donoñ ko taḌpāyā bahut

is se pahle to kabhī ehsās hotā hī na thā

tujh se mil kar sochte haiñ ro liye tanhā bahut

aañkh hotī to nazar aa jaate chhāle paañv ke

sach ko kyā dekhegā apnā shahr hai andhā bahut

is ko pahli bar KHat likkha to dil dhaDka bahut

kya jawab aaega kaise aaega Dar tha bahut

jaan de denge agar duniya ne roka rasta

aur koi hal na nikla hum ne to socha bahut

ab samajh lete hain miThe lafz ki kaDwahaTen

ho gaya hai zindagi ka tajraba thoDa bahut

soch lo pahle hamare hath mein phir hath do

ishq walon ke liye hain aag ke dariya bahut

wo thi aangan mein paDosi ke main ghar ki chhat pe tha

duriyon ne aaj bhi donon ko taDpaya bahut

is se pahle to kabhi ehsas hota hi na tha

tujh se mil kar sochte hain ro liye tanha bahut

aankh hoti to nazar aa jate chhaale panw ke

sach ko kya dekhega apna shahr hai andha bahut