is lamha-e-viran mein chup chand nazar chup

is lamha-e-vīrān meñ chup chāñd nazar chup

ik raat kī hairat meñ giraftār nagar chup

kis qatl meñ matlūb hue shahr ko ham log

kyoñ karne lage apnī guzar aur basar chup

kuchh bol zamāna se abhī aur bhī kuchh kah

kyoñ lab pe vahī mahr-sifat bār-e-digar chup

maiñ sāhil-e-dariyā se khaḌī dekh rahī huuñ

sākin hai har ik lahr to har ek bhañvar chup

kisī gahre añdhere tazabzub meñ ghirī huuñ

ḳhāmosh hai dīvār yaqīñ vahm kā dar chup

is lamha-e-viran mein chup chand nazar chup

ek raat ki hairat mein giraftar nagar chup

kis qatl mein matlub hue shahr ko hum log

kyon karne lage apni guzar aur basar chup

kuchh bol zamana se abhi aur bhi kuchh kah

kyon lab pe wahi mahr-sifat bar-e-digar chup

main sahil-e-dariya se khaDi dekh rahi hun

sakin hai har ek lahr to har ek bhanwar chup

kisi gahre andhere tazabzub mein ghiri hun

KHamosh hai diwar yaqin wahm ka dar chup