اس قدر افسردگی محسوس کی
میں نے جب اس کی کمی محسوس کی
رات میں سویا تھا دریا کے قریب
خواب میں اک جل پری محسوس کی
اس کے آنے کا یقیں بڑھنے لگا
فرش دل پر گھاس اگی محسوس کی
آج پھر وہ در کھلا تھا دھیان میں
اور اک دیوار سی محسوس کی
وقت کا کرنے لگے ہم احترام
ہر محبت آخری محسوس کی
موت جس دن چھو کے گزری تھی مجھے
میں نے اس دن زندگی محسوس کی
آج ماں گھر پہ نہیں تھی اور پھر
ہم نے کتنی بے گھری محسوس کی
وقت اس نے مجھ سے پوچھا تھا وسیمؔ
سب نے ہاتھوں میں گھڑی محسوس کی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
