is qadar ghaur se dekha hai sarapa us ka
is qadar ġhaur se dekhā hai sarāpā us kā
yaad aatā hī nahīñ ab mujhe chehrā us kā
us pe bas aise hī ghabrā.ī huī phirtī thī
aañkh se husn simaTtā hī nahīñ thā us kā
sat.h-e-ehsās pe Thahrā nahīñ sakte jis ko
ek ik ḳhat meñ tavāzun hai kuchh aisā us kā
apne hāthoñ se kamī mujh pe na rakkhī us ne
merī to lauh-e-muqaddar bhī hai likkhā us kā
maiñ ne sāhil pe bichhā dī hai saf-e-mātam-e-hijr
lahr koī to miTā degī fasāna us kā
vasl aur hijr ke mā-bain khaḌā huuñ 'kāshif'
tai na ho paayā ta.alluq kabhī merā us kā
is qadar ghaur se dekha hai sarapa us ka
yaad aata hi nahin ab mujhe chehra us ka
us pe bas aise hi ghabrai hui phirti thi
aankh se husn simaTta hi nahin tha us ka
sath-e-ehsas pe Thahra nahin sakte jis ko
ek ek KHat mein tawazun hai kuchh aisa us ka
apne hathon se kami mujh pe na rakkhi us ne
meri to lauh-e-muqaddar bhi hai likkha us ka
main ne sahil pe bichha di hai saf-e-matam-e-hijr
lahr koi to miTa degi fasana us ka
wasl aur hijr ke ma-bain khaDa hun 'kashif'
tai na ho paya talluq kabhi mera us ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
