is qadar paemal hain hum log

is qadar pā.emāl haiñ ham log

aap apnī misāl haiñ ham log

be-niyāz-e-malāl haiñ ham log

laakh said-e-zavāl haiñ ham log

apne isyāñ kī sharmsārī se

paikar-e-infi.āl haiñ ham log

ik fasāna hai shaukat-e-māzī

dekh lo ḳhasta-hāl haiñ ham log

but-kade meñ azaañ na deñ to sahī

yādgārī bilāl haiñ ham log

kyuuñ pareshāñ hai ai dil-e-mahzūñ

daulat-e-lā-zavāl haiñ ham log

ham se raushan hai āsmān-e-adab

ġhairat-e-sad-hilāl haiñ ham log

ik muammā hai zindagī 'shātir'

kyā anokhā savāl haiñ ham log

is qadar paemal hain hum log

aap apni misal hain hum log

be-niyaz-e-malal hain hum log

lakh said-e-zawal hain hum log

apne isyan ki sharmsari se

paikar-e-infial hain hum log

ek fasana hai shaukat-e-mazi

dekh lo KHasta-haal hain hum log

but-kade mein azan na den to sahi

yaadgari bilal hain hum log

kyun pareshan hai ai dil-e-mahzun

daulat-e-la-zawal hain hum log

hum se raushan hai aasman-e-adab

ghairat-e-sad-hilal hain hum log

ek muamma hai zindagi 'shatir'

kya anokha sawal hain hum log