is rang badalti duniya mein insan ki niyyat Thik nahin

is rang badaltī duniyā meñ insān kī niyyat Thiik nahīñ

niklā na karo tum saj-dhaj kar īmān kī niyyat Thiik nahīñ

ye dil hai baḌā hī dīvāna chheḌā na karo is pāgal ko

tum se na sharārat kar baiThe nādān kī niyyat Thiik nahīñ

kāñdhe se haTā lo sar apnā ye pyaar mohabbat rahne do

kashtī ko sa.mbhālo maujoñ meñ tūfān kī niyyat Thiik nahīñ

maiñ kaise ḳhudā-hāfiz kah duuñ mujh ko to kisī kā yaqīn nahīñ

chhup jaao hamārī āñkhoñ meñ bhagvān kī niyyat Thiik nahīñ

is rang badalti duniya mein insan ki niyyat Thik nahin

nikla na karo tum saj-dhaj kar iman ki niyyat Thik nahin

ye dil hai baDa hi diwana chheDa na karo is pagal ko

tum se na shararat kar baiThe nadan ki niyyat Thik nahin

kandhe se haTa lo sar apna ye pyar mohabbat rahne do

kashti ko sambhaalo maujon mein tufan ki niyyat Thik nahin

main kaise KHuda-hafiz kah dun mujh ko to kisi ka yaqin nahin

chhup jao hamari aankhon mein bhagwan ki niyyat Thik nahin