is se aage to bas la-makan rah gaya
is se aage to bas lā-makāñ rah gayā
ye safar bhī mirā rā.egāñ rah gayā
ho ga.e apne jismoñ se bhī be-niyāz
aur phir bhī koī darmiyāñ rah gayā
raakh poroñ se jhaḌtī ga.ī umr kī
saañs kī nāliyoñ meñ dhuāñ rah gayā
ab to rasta batāne pe māmūr huuñ
be-hadaf tiir thā be-kamāñ rah gayā
jab palaT hī chale ho ai dīda-varo
mujh ko bhī dekhnā maiñ kahāñ rah gayā
miT gayā huuñ kisī aur kī qabr meñ
merā katba kahīñ be-nishāñ rah gayā
is se aage to bas la-makan rah gaya
ye safar bhi mera raegan rah gaya
ho gae apne jismon se bhi be-niyaz
aur phir bhi koi darmiyan rah gaya
rakh poron se jhaDti gai umr ki
sans ki naliyon mein dhuan rah gaya
ab to rasta batane pe mamur hun
be-hadaf tir tha be-kaman rah gaya
jab palaT hi chale ho ai dida-waro
mujh ko bhi dekhna main kahan rah gaya
miT gaya hun kisi aur ki qabr mein
mera katba kahin be-nishan rah gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
