is se pahle kahin imkan ke minare par

is se pahle kahīñ imkān ke mīnāre par

ham mile hoñge kisī dūsre sayyāre par

yaar labrez nigāhoñ se ziyārat terī

raushnī aa.e gire chashm ke añdhiyāre par

aa tahayyur ke kisī baaġh utar jaate haiñ

aur milte haiñ kamālāt ke favvāre par

manzar-e-misr meñ yāqūb ko yūsuf dekhe

yuuñ rahe aañkh tire husn ke nazāre par

haath aa jaa.e tabassum kā tire phuul kabhī

paañv paḌ jaa.e kabhī aah ke añgāre par

shorish-e-sub.h digar-gūñ meñ sambhalne ke liye

haath rakhtā huuñ mohabbat ke guhar-pāre par

is se pahle kahin imkan ke minare par

hum mile honge kisi dusre sayyare par

yar labrez nigahon se ziyarat teri

raushni aae gire chashm ke andhiyare par

aa tahayyur ke kisi bagh utar jate hain

aur milte hain kamalat ke fawware par

manzar-e-misr mein yaqub ko yusuf dekhe

yun rahe aankh tere husn ke nazare par

hath aa jae tabassum ka tere phul kabhi

panw paD jae kabhi aah ke angare par

shorish-e-subh digar-gun mein sambhalne ke liye

hath rakhta hun mohabbat ke guhar-pare par