is shahr mein chalti hai hawa aur tarah ki

is shahr meñ chaltī hai havā aur tarah kī

jurm aur tarah ke haiñ sazā aur tarah kī

is baar to paimāna uThāyā bhī nahīñ thā

is baar thī rindoñ kī ḳhatā aur tarah kī

ham āñkhoñ meñ aañsū nahīñ laate haiñ ki ham ne

paa.ī hai virāsat meñ adā aur tarah kī

is baat pe nārāz thā saaqī ki sar-e-bazm

kyuuñ aa.ī piyāloñ se sadā aur tarah kī

is daur meñ mafhūm-e-mohabbat hai tijārat

is daur meñ hotī hai vafā aur tarah kī

shabnam kī jagah aag kī bārish ho magar ham

'mansūr' na māñgeñge duā aur tarah kī

is shahr mein chalti hai hawa aur tarah ki

jurm aur tarah ke hain saza aur tarah ki

is bar to paimana uThaya bhi nahin tha

is bar thi rindon ki KHata aur tarah ki

hum aankhon mein aansu nahin late hain ki hum ne

pai hai wirasat mein ada aur tarah ki

is baat pe naraaz tha saqi ki sar-e-bazm

kyun aai piyalon se sada aur tarah ki

is daur mein mafhum-e-mohabbat hai tijarat

is daur mein hoti hai wafa aur tarah ki

shabnam ki jagah aag ki barish ho magar hum

'mansur' na mangenge dua aur tarah ki