is shahr mein kahin pe hamara makan bhi ho

Mohammad Alvi

is shahr mein kahin pe hamara makan bhi ho

Mohammad Alvi

MORE BYMohammad Alvi

    is shahr meñ kahīñ pe hamārā makāñ bhī ho

    bāzār hai to ham pe kabhī mehrbāñ bhī ho

    jāgeñ to ās-pās kinārā dikhā.ī de

    dariyā ho pur-sukūn khulā bādbāñ bhī ho

    ik dost aisā ho ki mirī baat baat ko

    sach māntā ho aur zarā bad-gumāñ bhī ho

    raste meñ ek peḌ ho tanhā khaḌā huā

    aur us ek shāḳh pe ik āshiyāñ bhī ho

    us se mile zamāna huā lekin aaj bhī

    dil se duā nikaltī hai ḳhush ho jahāñ bhī ho

    ham us jagah chale haiñ jahāñ ye zamīñ nahīñ

    achchhā ho gar vahāñ pe nayā āsmāñ bhī ho

    is shahr mein kahin pe hamara makan bhi ho

    bazar hai to hum pe kabhi mehrban bhi ho

    jagen to aas-pas kinara dikhai de

    dariya ho pur-sukun khula baadban bhi ho

    ek dost aisa ho ki meri baat baat ko

    sach manta ho aur zara bad-guman bhi ho

    raste mein ek peD ho tanha khaDa hua

    aur us ki ek shaKH pe ek aashiyan bhi ho

    us se mile zamana hua lekin aaj bhi

    dil se dua nikalti hai KHush ho jahan bhi ho

    hum us jagah chale hain jahan ye zamin nahin

    achchha ho gar wahan pe naya aasman bhi ho

    Source:

    • Book : Rat Idhar Udhar Roashan (Pg. 470)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY