is shash-jihat mein KHub teri justuju karen

is shash-jihat meñ ḳhuub tirī justujū kareñ

kaabe meñ chal ke sajda tujhe chār-sū kareñ

āshiq jo husn-e-pāk meñ kuchh guftugū kareñ

dāman kā pīchhe naam leñ pahle vazū kareñ

sharminda huuñ zamīñ meñ gaḌeñ surḳh-rū kareñ

ustādgī jo sarv tire rū-ba-rū kareñ

paidā kareñ jo tujh ko unhīñ ko hai dastaras

pāmard haiñ vahī jo tirī justujū kareñ

le jā chukī chaman meñ sabā bū-e-zulf-e-yār

sumbul ke silsile ko bhī barham vo mū kareñ

afsāna-goī af.ī-e-gesū-e-yār meñ

ḳhāmosh hoñ charāġh jo ham guftugū kareñ

dīvāngī kā silsila jaave na haath se

dāman ko phāḌiye jo garebāñ rafū kareñ

ai bādshāh-e-husn faqīroñ kī tarah se

āshiq duā-e-ḳhair tujhe kū-ba-kū kareñ

dīdār-e-ām kījiye parda uThā.iye

tā-chand banda-hā-e-ḳhudā aarzū kareñ

mastī meñ mujh se be-adabī hogī yaar se

mujh ko gunāh-gār na jām-o-subū kareñ

dīvān-e-husn meñ se hui hai ye intiḳhāb

āshiq-mizāj sair-e-bayāz-e-gulū kareñ

vird-e-zabāñ hai roz-o-shab in kī sanā-e-husn

shāyāñ hai jis qadar ki ye shā.er ġhulū kareñ

likh dete haiñ hasīnoñ ko ham ḳhatt-e-bandgī

mashq-e-sitam ko tark jo ye tund-ḳhū kareñ

hairān-kār huuñ tire ruḳhsār-e-sāf kā

sakta ho aa.ina jo tire rū-ba-rū kareñ

murġh-e-chaman hoñ zamzama-pairā bahār aa.ī

hañgāma garm shefta-e-rañg-o-bū kareñ

tāsīr-dār log haiñ allāh ke faqīr

sañg-e-sanam hoñ aab jo ham zikr-e-hū kareñ

maujūd go ki tū hai magar chāhtā hai shauq

āvāra hoñ talāsh tirī chaar sū kareñ

'ātish' ye vo zamīñ hai ki jis meñ ba-qaul-e-'dard'

dil hī nahīñ rahā hai jo kuchh aarzū kareñ

is shash-jihat mein KHub teri justuju karen

kabe mein chal ke sajda tujhe chaar-su karen

aashiq jo husn-e-pak mein kuchh guftugu karen

daman ka pichhe nam len pahle wazu karen

sharminda hun zamin mein gaDen surKH-ru karen

ustadgi jo sarw tere ru-ba-ru karen

paida karen jo tujh ko unhin ko hai dastaras

pamard hain wahi jo teri justuju karen

le ja chuki chaman mein saba bu-e-zulf-e-yar

sumbul ke silsile ko bhi barham wo mu karen

afsana-goi afi-e-gesu-e-yar mein

KHamosh hon charagh jo hum guftugu karen

diwangi ka silsila jawe na hath se

daman ko phaDiye jo gareban rafu karen

ai baadshah-e-husn faqiron ki tarah se

aashiq dua-e-KHair tujhe ku-ba-ku karen

didar-e-am kijiye parda uThaiye

ta-chand banda-ha-e-KHuda aarzu karen

masti mein mujh se be-adabi hogi yar se

mujh ko gunah-gar na jam-o-subu karen

diwan-e-husn mein se hui hai ye intiKHab

aashiq-mizaj sair-e-bayaz-e-gulu karen

wird-e-zaban hai roz-o-shab in ki sana-e-husn

shayan hai jis qadar ki ye shaer ghulu karen

likh dete hain hasinon ko hum KHatt-e-bandgi

mashq-e-sitam ko tark jo ye tund-KHu karen

hairan-kar hun tere ruKHsar-e-saf ka

sakta ho aaina jo tere ru-ba-ru karen

murgh-e-chaman hon zamzama-paira bahaar aai

hangama garm shefta-e-rang-o-bu karen

tasir-dar log hain allah ke faqir

sang-e-sanam hon aab jo hum zikr-e-hu karen

maujud go ki tu hai magar chahta hai shauq

aawara hon talash teri chaar su karen

'atish' ye wo zamin hai ki jis mein ba-qaul-e-'dard'

dil hi nahin raha hai jo kuchh aarzu karen