is tarah kar gaya dil ko mere viran koi
is tarah kar gayā dil ko mire vīrāñ koī
na tamannā koī baaqī hai na armāñ koī
har kalī meñ hai tire husn-e-dil-ārā kī numūd
ab ke dāman hī bachegā na girebāñ koī
mai-chakāñ lab nazar āvāra nigāheñ gustāḳh
yuuñ mire pahlū se uTThā hai ġhazal-ḳhvāñ koī
zulf barham hai dil āshufta sabā āvāra
ḳhvāb-e-hastī sā nahīñ ḳhvāb pareshāñ koī
naġhma-e-dard se ho jaatā hai aalam māmūr
is tarah chheḌtā hai tār-e-rag-e-jāñ koī
is tarah kar gaya dil ko mere viran koi
na tamanna koi baqi hai na arman koi
har kali mein hai tere husn-e-dil-ara ki numud
ab ke daman hi bachega na gireban koi
mai-chakan lab nazar aawara nigahen gustaKH
yun mere pahlu se uTTha hai ghazal-KHwan koi
zulf barham hai dil aashufta saba aawara
KHwab-e-hasti sa nahin KHwab pareshan koi
naghma-e-dard se ho jata hai aalam mamur
is tarah chheDta hai tar-e-rag-e-jaan koi
- Book : Jadeed Shora-e-Urdu (Pg. 629)
- Author : Dr. Abdul Wahid
- Publication : Feroz sons Printers Publishers and Stationers
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
