is wusat-e-kalam se ji tang aa gaya

is vus.at-e-kalām se jī tañg aa gayā

nāseh tū merī jaan na le dil gayā gayā

zid se vo phir raqīb ke ghar meñ chalā gayā

ai rashk merī jaan ga.ī terā kyā gayā

ye zof hai to dam se bhī kab tak chalā gayā

ḳhud-raftagī ke sadme se mujh ko ġhash aa gayā

kyā pūchhtā hai talḳhi-e-ulfat meñ pand ko

aisī to lazzateñ haiñ ki tū jaan khā gayā

kuchh aañkh band hote hī āñkheñ sī khul ga.iiñ

jī ik balā-e-jān thā achchhā huā gayā

āñkheñ jo DhūñDtī thiiñ nigah-hā-e-iltifāt

gum honā dil kā vo mirī nazroñ se pā gayā

bū-e-saman se shaad the aġhyār-e-be-tamīz

us gul ko e'tibār-e-nasīm-o-sabā gayā

āh-e-sahar hamārī falak se phirī na ho

kaisī havā chalī ye ki jī sansanā gayā

aatī nahīñ balā-e-shab-e-ġham nigāh meñ

kis mehr-vash kā jalva nazar meñ samā gayā

ai jazb-e-dil na tham ki na Thahrā vo shola-rū

aayā to garm garm va-lekin jalā gayā

mujh ḳhānumāñ-ḳharāb kā likkhā ki jaan kar

vo naama ġhair kā mire ghar meñ girā gayā

mehñdī malegā paañv se dushman to aan kar

kyuuñ mere tafta siine ko Thokar lagā gayā

bosa sanam kī aañkh kā lete hī jaan dī

'momin' ko yaad kyā hajrul-asvad aa gayā

is wusat-e-kalam se ji tang aa gaya

naseh tu meri jaan na le dil gaya gaya

zid se wo phir raqib ke ghar mein chala gaya

ai rashk meri jaan gai tera kya gaya

ye zof hai to dam se bhi kab tak chala gaya

KHud-raftagi ke sadme se mujh ko ghash aa gaya

kya puchhta hai talKHi-e-ulfat mein pand ko

aisi to lazzaten hain ki tu jaan kha gaya

kuchh aankh band hote hi aankhen si khul gain

ji ek bala-e-jaan tha achchha hua gaya

aankhen jo DhunDti thin nigah-ha-e-iltifat

gum hona dil ka wo meri nazron se pa gaya

bu-e-saman se shad the aghyar-e-be-tamiz

us gul ko e'tibar-e-nasim-o-saba gaya

aah-e-sahar hamari falak se phiri na ho

kaisi hawa chali ye ki ji sansana gaya

aati nahin bala-e-shab-e-gham nigah mein

kis mehr-wash ka jalwa nazar mein sama gaya

ai jazb-e-dil na tham ki na Thahra wo shola-ru

aaya to garm garm wa-lekin jala gaya

mujh KHanuman-KHarab ka likkha ki jaan kar

wo nama ghair ka mere ghar mein gira gaya

mehndi malega panw se dushman to aan kar

kyun mere tafta sine ko Thokar laga gaya

bosa sanam ki aankh ka lete hi jaan di

'momin' ko yaad kya hajrul-aswad aa gaya