ishq ahd-e-bewafa mein be-nawa ho jaega

ishq ahd-e-bevafā meñ be-navā ho jā.egā

aañkh istanbul siina qartaba ho jā.egā

raat lambī hai to bāham guftugū karte raho

baat chal niklī to bahutoñ kā bhalā ho jā.egā

in bharī galiyoñ meñ phirtā rah isī meñ ḳhair hai

apne andar jā chhupā to lāpatā ho jā.egā

sar-burīda lafz mujh se raat ye kahne lage

ab na bologe to kāġhaz karbalā ho jā.egā

vo mirī āvāz kā qātil bhī hai maqtūl bhī

us kā merā āj-kal meñ faisla ho jā.egā

phir ḳhudā.ī kā kiyā da.avā kisī fir.aun ne

phir sar-e-darbār koī mo.ajaza ho jā.egā

ishq ahd-e-bewafa mein be-nawa ho jaega

aankh istanbul sina qartaba ho jaega

raat lambi hai to baham guftugu karte raho

baat chal nikli to bahuton ka bhala ho jaega

in bhari galiyon mein phirta rah isi mein KHair hai

apne andar ja chhupa to lapata ho jaega

sar-burida lafz mujh se raat ye kahne lage

ab na bologe to kaghaz karbala ho jaega

wo meri aawaz ka qatil bhi hai maqtul bhi

us ka mera aaj-kal mein faisla ho jaega

phir KHudai ka kiya dawa kisi firaun ne

phir sar-e-darbar koi moajaza ho jaega