ishq-baz-e-zamana jitne hain

ishq-bāz-e-zamāna jitne haiñ

sab mire sāmne ke itne haiñ

sar jhukā.e haiñ khīñchiye talvār

ham bhī dekheñ ki aap kitne haiñ

radd-e-ka.aba haiñ par haiñ rabb-e-kunisht

ab bhī nām-e-ḳhudā but itne haiñ

band āñkheñ kiye haiñ ahl-e-qubūr

be-ḳhabar se rahe haiñ jitne haiñ

is qadar hai vo shoḳh garmā-garm

jis se dozaḳh ke sard fitne haiñ

dil meñ lākhoñ bhareñ haiñ gun ai 'shād'

dekhne meñ ġharīb kitne haiñ

ishq-baz-e-zamana jitne hain

sab mere samne ke itne hain

sar jhukae hain khinchiye talwar

hum bhi dekhen ki aap kitne hain

radd-e-kaba hain par hain rabb-e-kunisht

ab bhi nam-e-KHuda but itne hain

band aankhen kiye hain ahl-e-qubur

be-KHabar se rahe hain jitne hain

is qadar hai wo shoKH garma-garm

jis se dozaKH ke sard fitne hain

dil mein lakhon bharen hain gun ai 'shad'

dekhne mein gharib kitne hain