ishq hai gham jo sikhata hai fana ho jaana

ishq hai ġham jo sikhātā hai fanā ho jaanā

dard-e-dil hai jise aatā hai davā ho jaanā

dars-e-himmat hai na.e rah-rav-e-ulfat ke liye

kāñTe paanā to mirā barahna-pā ho jaanā

ishq pyārā hai to ne.amat hai ġham-e-mahjūrī

in kā milnā hai mohabbat kā judā ho jaanā

hosh lā-hāslī-e-shikva-e-nākāmī hai

be-ḳhudī meñ mirā rāzī-ba-razā ho jaanā

ai pashīmān-e-sitam jā ki jahāñ dekh chukā

merā marnā tire va.ade kā vafā ho jaanā

vasl-e-jānāñ kī tamannā hai to miT jā pahle

yuuñ mayassar nahīñ bande ko ḳhudā ho jaanā

saañs gintā huuñ tamannā meñ ki dekhūñ 'mānī'

ġham-e-dil kā adab-āmoz-e-fanā ho jaanā

ishq hai gham jo sikhata hai fana ho jaana

dard-e-dil hai jise aata hai dawa ho jaana

dars-e-himmat hai nae rah-raw-e-ulfat ke liye

kanTe pana to mera barahna-pa ho jaana

ishq pyara hai to neamat hai gham-e-mahjuri

in ka milna hai mohabbat ka juda ho jaana

hosh la-hasli-e-shikwa-e-nakaami hai

be-KHudi mein mera raazi-ba-raza ho jaana

ai pashiman-e-sitam ja ki jahan dekh chuka

mera marna tere wade ka wafa ho jaana

wasl-e-jaanan ki tamanna hai to miT ja pahle

yun mayassar nahin bande ko KHuda ho jaana

sans ginta hun tamanna mein ki dekhun 'mani'

gham-e-dil ka adab-amoz-e-fana ho jaana