ishq hai sarsabz virana hina

ishq hai sarsabz vīrāna 'hinā'

dil na maane dil ko samjhānā 'hinā'

lafz kā jaadū nihāyat kārgar

harf kī ḳhushbū judāgāna 'hinā'

kyā mohabbat kā yahī dastūr hai

har qadam par Dagmagā jaanā 'hinā'

hosh meñ rahnā bhī karnā ishq bhī

kār-e-duniyā se bhī ghabrānā 'hinā'

ye mohabbat ḳhushnumā piñjra koī

qaid kī aadī na ho jaanā 'hinā'

pahal karnā gar judā honā paḌe

ḳhud ko dorāhe pe mat laanā 'hinā'

koī bhī tere sivā terā nahīñ

apnī tāqat aap ban jaanā 'hinā'

daad se ḳhush-fahmiyāñ mat pālnā

ḳhvāb se dhoka nahīñ khānā 'hinā'

ishq hai sarsabz virana 'hina'

dil na mane dil ko samjhana 'hina'

lafz ka jadu nihayat kargar

harf ki KHushbu judagana 'hina'

kya mohabbat ka yahi dastur hai

har qadam par Dagmaga jaana 'hina'

hosh mein rahna bhi karna ishq bhi

kar-e-duniya se bhi ghabrana 'hina'

ye mohabbat KHushnuma pinjra koi

qaid ki aadi na ho jaana 'hina'

pahal karna gar juda hona paDe

KHud ko dorahe pe mat lana 'hina'

koi bhi tere siwa tera nahin

apni taqat aap ban jaana 'hina'

dad se KHush-fahmiyan mat palna

KHwab se dhoka nahin khana 'hina'