ishq har-chand meri jaan sada khata hai

ishq har-chand mirī jaan sadā khātā hai

par ye lazzat to vo hai jī hī jise paatā hai

aah kab tak maiñ bakūñ terī balā suntī hai

bāteñ logoñ kī jo kuchh dil mujhe sunvātā hai

ham-nashīñ pūchh na us shoḳh kī ḳhūbī mujh se

kyā kahūñ tujh se ġharaz jī ko mire bhātā hai

baat kuchh dil kī hamāre to na suljhī ham se

aapī ḳhush hove hai phir aap hī ghabrātā hai

jī kaḌā kar ke tire kūche se jab jaatā huuñ

dil-e-dushman ye mujhe gher ke phir laatā hai

raah peñDe kabhū us shoḳh ke ta.iiñ ham se bhī

diid vā diid to hotī hai jo mil jaatā hai

'dard' kī qadr mire yaar samajhnā vallāh

aisā āzād tire daam meñ yuuñ aatā hai

ishq har-chand meri jaan sada khata hai

par ye lazzat to wo hai ji hi jise pata hai

aah kab tak main bakun teri bala sunti hai

baaten logon ki jo kuchh dil mujhe sunwata hai

ham-nashin puchh na us shoKH ki KHubi mujh se

kya kahun tujh se gharaz ji ko mere bhata hai

baat kuchh dil ki hamare to na suljhi hum se

aapi KHush howe hai phir aap hi ghabraata hai

ji kaDa kar ke tere kuche se jab jata hun

dil-e-dushman ye mujhe gher ke phir lata hai

rah penDe kabhu us shoKH ke tain hum se bhi

did wa did to hoti hai jo mil jata hai

'dard' ki qadr mere yar samajhna wallah

aisa aazad tere dam mein yun aata hai