ishq ifsha ho gaya hum raushni mein aa gae

ishq ifshā ho gayā ham raushnī meñ aa ga.e

kitne parde kaam ik be-pardagī meñ aa ga.e

rāh-e-mamnūā kī jānib bhī qadam uTh hī ga.e

jis taraf aanā na thā ham be-ḳhudī meñ aa ga.e

nā-ḳhudā kā kaam bhī mauj-e-talātum ne kiyā

Dūbne vaale had-e-sāhil-rasī meñ aa ga.e

ġham kī kaifiyyat ne aañsū zeb-e-mizhgāñ kar diye

shaam hote hī sitāre raushnī meñ aa ga.e

'mānī' kah do shā.irī-juzvest-az-paiġhambarī

ham pa-e-tablīġh mulk-e-dilbarī meñ aa ga.e

ishq ifsha ho gaya hum raushni mein aa gae

kitne parde kaam ek be-pardagi mein aa gae

rah-e-mamnua ki jaanib bhi qadam uTh hi gae

jis taraf aana na tha hum be-KHudi mein aa gae

na-KHuda ka kaam bhi mauj-e-talatum ne kiya

Dubne wale had-e-sahil-rasi mein aa gae

gham ki kaifiyyat ne aansu zeb-e-mizhgan kar diye

sham hote hi sitare raushni mein aa gae

'mani' kah do shairi-juzwest-az-paighambari

hum pa-e-tabligh mulk-e-dilbari mein aa gae