ishq jab baryab hota hai

'ishq jab bāryāb hotā hai

ḳhāna-e-dil ḳharāb hotā hai

saaf un se javāb hotā hai

roz qāsid ḳharāb hotā hai

jism-e-ḳhākī ko chhoḌtī hai ruuh

ye gharauñdā ḳharāb hotā hai

jo hī maḳhlūq shān-e-ḳhāliq hai

ek kā bhī javāb hotā hai

nāma-bar kahte haiñ na likho ḳhat

muft kāġhaz ḳharāb hotā hai

dekh lenā ye gumbad-e-gardūñ

koī din meñ ḳharāb hotā hai

pījiye pījiye sharāb kahīñ

dil-e-sozāñ kabāb hotā hai

ham se marte huoñ ko ai qātil

zab.h karnā savāb hotā hai

ai qayāmat na kar ziyāda shor

'āshiqoñ se hisāb hotā hai

dekh kar tifl-e-ashk ko bole

aisā laḌkā ḳharāb hotā hai

hijr meñ aa ke mere āñkhoñ meñ

kyā pareshān ḳhvāb hotā hai

raham ai girya-e-shab-e-furqat

ḳhūn-e-chashm pur-āb hotā hai

fātiha paḌh ke ronā turbat par

yaar ham par 'azāb hotā hai

un ke ruḳh ke huzūr ḳhajlat se

ā.īna aab aab hotā hai

dekh kar āhuvān-e-chashm sanam

zohra-e-sher aab hotā hai

hashr meñ kyoñ hujūm hai utnā

kyā koī be-naqāb hotā hai

'kaif' tauba karo mohabbat se

nām-e-ulfat ḳharāb hotā hai

'ishq jab baryab hota hai

KHana-e-dil KHarab hota hai

saf un se jawab hota hai

roz qasid KHarab hota hai

jism-e-KHaki ko chhoDti hai ruh

ye gharaunda KHarab hota hai

jo hi maKHluq shan-e-KHaliq hai

ek ka bhi jawab hota hai

nama-bar kahte hain na likho KHat

muft kaghaz KHarab hota hai

dekh lena ye gumbad-e-gardun

koi din mein KHarab hota hai

pijiye pijiye sharab kahin

dil-e-sozan kabab hota hai

hum se marte huon ko ai qatil

zabh karna sawab hota hai

ai qayamat na kar ziyaada shor

'ashiqon se hisab hota hai

dekh kar tifl-e-ashk ko bole

aisa laDka KHarab hota hai

hijr mein aa ke mere aankhon mein

kya pareshan KHwab hota hai

raham ai girya-e-shab-e-furqat

KHun-e-chashm pur-ab hota hai

fatiha paDh ke rona turbat par

yar hum par 'azab hota hai

un ke ruKH ke huzur KHajlat se

aaina aab aab hota hai

dekh kar aahuwan-e-chashm sanam

zohra-e-sher aab hota hai

hashr mein kyon hujum hai utna

kya koi be-naqab hota hai

'kaif' tauba karo mohabbat se

nam-e-ulfat KHarab hota hai