ishq ke jaan-nisar jite hain

ishq ke jāñ-nisār jiite haiñ

ba.ad marne ke yaar jiite haiñ

zahr-e-hasrat chashīdgān-e-firāq

haiñ muoñ meñ hazār jiite haiñ

dushmanoñ par tū teġh yaar na khīñch

abhī to dost-dār jiite haiñ

tū jahāñ jaa.e misl-e-āb-e-hayāt

murde ab ek baar jiite haiñ

ek din daav hai hamārā bhī

yahāñ baazī to yaar jiite haiñ

bin ajal koī mar nahīñ saktā

jī ko ham maar maar jiite haiñ

ġham-e-hijrāñ kī kuchh nahīñ pūchh 'razā'

shukr-e-parvardigār jiite haiñ

ishq ke jaan-nisar jite hain

baad marne ke yar jite hain

zahr-e-hasrat chashidgan-e-firaq

hain muon mein hazar jite hain

dushmanon par tu tegh yar na khinch

abhi to dost-dar jite hain

tu jahan jae misl-e-ab-e-hayat

murde ab ek bar jite hain

ek din daw hai hamara bhi

yahan bazi to yar jite hain

bin ajal koi mar nahin sakta

ji ko hum mar mar jite hain

gham-e-hijran ki kuchh nahin puchh 'raza'

shukr-e-parwardigar jite hain