ishq ki aisi shan to hogi

ishq kī aisī shaan to hogī

is se tirī pahchān to hogī

gaañv kī laḌkī kā kyā kahnā

kuchh nahīñ vo insān to hogī

us ke nagar meñ dil ke liye kuchh

sūrat-e-itmīnān to hogī

kuchh bhī kah lo dil kī ḳhalish ko

ziist kā ye unvān to hogī

dār-o-rasan ke afsānoñ meñ

kaif na hogā jaan to hogī

zer-e-lab vo mauj-e-tabassum

mere liye tūfān to hogī

hañstī huī vo chashm-e-suḳhan-go

ahl-e-dil kī jaan to hogī

'ramz' vo kāfir zulf-e-muattar

dil kā mire īmān to hogī

ishq ki aisi shan to hogi

is se teri pahchan to hogi

ganw ki laDki ka kya kahna

kuchh nahin wo insan to hogi

us ke nagar mein dil ke liye kuchh

surat-e-itminan to hogi

kuchh bhi kah lo dil ki KHalish ko

zist ka ye unwan to hogi

dar-o-rasan ke afsanon mein

kaif na hoga jaan to hogi

zer-e-lab wo mauj-e-tabassum

mere liye tufan to hogi

hansti hui wo chashm-e-suKHan-go

ahl-e-dil ki jaan to hogi

'ramz' wo kafir zulf-e-muattar

dil ka mere iman to hogi