ishq ki diwangi miT jaegi

ishq kī dīvāngī miT jā.egī

yā kisī kī zindagī miT jā.egī

ḳhatm ho jā.egā jab qissa huzūr

aap kī hairāngī miT jā.egī

aap bhī ro.eñge shāyad zār-zār

phuul jaisī ye hañsī miT jā.egī

ek din bujh jā.eñge ye mahr o maah

yā nazar kī raushnī miT jā.egī

yā fanā ho jā.eñgī galiyāñ tirī

yā mirī āvāz hī miT jā.egī

husn bhī barbād ho jā.egā dost

aur dil kī dil-kashī miT jā.egī

is qadar ābād ho jā.eñge log

hasrat-e-tāmīr hī miT jā.egī

ishq ki diwangi miT jaegi

ya kisi ki zindagi miT jaegi

KHatm ho jaega jab qissa huzur

aap ki hairangi miT jaegi

aap bhi roenge shayad zar-zar

phul jaisi ye hansi miT jaegi

ek din bujh jaenge ye mahr o mah

ya nazar ki raushni miT jaegi

ya fana ho jaengi galiyan teri

ya meri aawaz hi miT jaegi

husn bhi barbaad ho jaega dost

aur dil ki dil-kashi miT jaegi

is qadar aabaad ho jaenge log

hasrat-e-tamir hi miT jaegi