عشق کی پہلے اسٹڈی کرنا

عشق کی پہلے اسٹڈی کرنا

بعد میں یار شاعری کرنا

چاند سمجھو چراغ یا جگنو

کام میرا ہے روشنی کرنا

تم کو دکھ جائے کوئی تم سا جب

دوڑ کر اس سے دوستی کرنا

دل دہلتے ہیں آگ میں دن رات

کتنا مشکل ہے دشمنی کرنا

بے وفا شخص ہاتھ ملتا ہے

چھوڑ دے یار رہزنی کرنا

موسمی پھل کے مثل ہے لڑکی

پیار بھی اس سے موسمی کرنا

آپ کے ہاتھ کا یہ سودا ہے

بات بھی اس سے آپ ہی کرنا

صرف اتنا ہے کام اس کا نفیسؔ

میرے کمرے میں روشنی کرنا