ishq ko tark-e-junun se kya gharaz

ishq ko tark-e-junūñ se kyā ġharaz

charḳh-e-gardāñ ko sukūñ se kyā ġharaz

dil meñ hai ai ḳhizr gar sidaq-e-talab

rāh-rau ko rah-numoñ se kyā ġharaz

hājiyo hai ham ko ghar vaale se kaam

ghar ke mehrāb o sutūñ se kyā ġharaz

gungunā kar aap ro paḌte haiñ jo

un ko chañg o arġhanūñ se kyā ġharaz

nek kahnā nek jis ko dekhnā

ham ko taftīsh-e-darūñ se kyā ġharaz

dost haiñ jab zaḳhm-e-dil se be-ḳhabar

un ko apne ashk-e-ḳhūñ se kyā ġharaz

ishq se hai mujtanib zāhid abas

sher ko said-e-zabūñ se kyā ġharaz

kar chukā jab shaiḳh tasḳhīr-e-qulūb

ab use duniyā-e-dūñ se kyā ġharaz

aa.e ho 'hālī' pa.e-taslīm yaañ

aap ko chūn-o-chagūñ se kyā ġharaz

ishq ko tark-e-junun se kya gharaz

charKH-e-gardan ko sukun se kya gharaz

dil mein hai ai KHizr gar sidaq-e-talab

rah-rau ko rah-numon se kya gharaz

hajiyo hai hum ko ghar wale se kaam

ghar ke mehrab o sutun se kya gharaz

gunguna kar aap ro paDte hain jo

un ko chang o arghanun se kya gharaz

nek kahna nek jis ko dekhna

hum ko taftish-e-darun se kya gharaz

dost hain jab zaKHm-e-dil se be-KHabar

un ko apne ashk-e-KHun se kya gharaz

ishq se hai mujtanib zahid abas

sher ko said-e-zabun se kya gharaz

kar chuka jab shaiKH tasKHir-e-qulub

ab use duniya-e-dun se kya gharaz

aae ho 'haali' pae-taslim yan

aap ko chun-o-chagun se kya gharaz