ishq mein dil ban ke diwana chala

ishq meñ dil ban ke dīvāna chalā

āshnā se ho ke begāna chalā

qulqul-e-mīnā se aatī hai sadā

bhar chukā jis vaqt paimāna chalā

be-zabānoñ ko bhī aa.ī hai zabāñ

beḌī ġhul kartī hai dīvāna chalā

ishq-bāzī baaz le shatranj hai

chaal nādāñ rah gayā daanā chalā

rashk aatā hai ki zulf-e-yār meñ

hat kañdhe par mere kyoñ shāna chalā

shab jo aayā bazm meñ vo sho.ala-rū

sham.a gul karne ko parvāna chalā

bū-e-gul ġhuncha se kahtī hai 'nasīm'

baat niklī muñh se afsāna chalā

ishq mein dil ban ke diwana chala

aashna se ho ke begana chala

qulqul-e-mina se aati hai sada

bhar chuka jis waqt paimana chala

be-zabanon ko bhi aai hai zaban

beDi ghul karti hai diwana chala

ishq-bazi baz le shatranj hai

chaal nadan rah gaya dana chala

rashk aata hai ki zulf-e-yar mein

hat kandhe par mere kyon shana chala

shab jo aaya bazm mein wo shoala-ru

shama gul karne ko parwana chala

bu-e-gul ghuncha se kahti hai 'nasim'

baat nikli munh se afsana chala