ishq mein hasil-e-inkar se Dar jate hain

'ishq meñ hāsil-e-inkār se Dar jaate haiñ

ham gunahgār haiñ iqrār se Dar jaate haiñ

maut bar-haq hai jab aa jaa.e hameñ kyā lekin

zindagī ham tirī raftār se Dar jaate haiñ

apnī vahshat kā sabab ham ko hai mā'lūm magar

kyā sabab hai dar-o-dīvār se Dar jaate haiñ

naġhma-e-zīst pe jin jin ke thirakte haiñ qadam

daf'atan ziist ke āsār se Dar jaate haiñ

kuchh tabī'at kī ravānī se bhī ḳhauf aatā hai

kuchh mazāmīn kī yalġhār se Dar jaate haiñ

din meñ phirte haiñ liye kāsa-e-ḳhālī 'ahmar'

shaam hote hī jo ghar-bār se Dar jaate haiñ

'ishq mein hasil-e-inkar se Dar jate hain

hum gunahgar hain iqrar se Dar jate hain

maut bar-haq hai jab aa jae hamein kya lekin

zindagi hum teri raftar se Dar jate hain

apni wahshat ka sabab hum ko hai ma'lum magar

kya sabab hai dar-o-diwar se Dar jate hain

naghma-e-zist pe jin jin ke thirakte hain qadam

daf'atan zist ke aasar se Dar jate hain

kuchh tabi'at ki rawani se bhi KHauf aata hai

kuchh mazamin ki yalghaar se Dar jate hain

din mein phirte hain liye kasa-e-KHali 'ahmar'

sham hote hi jo ghar-bar se Dar jate hain