ishq mein kuchh nahin dawa se nafa

ishq meñ kuchh nahīñ davā se naf.a

kuḌhiye kab tak na ho balā se naf.a

kab talak in butoñ se chashm rahe

ho rahegā bas ab ḳhudā se naf.a

maiñ to ġhair az zarar na dekhā kuchh

DhūñDho tum yaar o āshnā se naf.a

muġhtanim jaan gar kisū ke ta.iiñ

pahuñche hai tere dast o pā se naf.a

ab faqīroñ se kah haqīqat-e-dil

'mīr' shāyad ki ho duā se naf.a

ishq mein kuchh nahin dawa se nafa

kuDhiye kab tak na ho bala se nafa

kab talak in buton se chashm rahe

ho rahega bas ab KHuda se nafa

main to ghair az zarar na dekha kuchh

DhunDho tum yar o aashna se nafa

mughtanim jaan gar kisu ke tain

pahunche hai tere dast o pa se nafa

ab faqiron se kah haqiqat-e-dil

'mir' shayad ki ho dua se nafa