ishq minnat-e-kash-e-qarar nahin

ishq minnat-e-kash-e-qarār nahīñ

husn majbūr-e-intizār nahīñ

terī ranjish kī intihā ma.alūm

hasratoñ kā mirī shumār nahīñ

apnī nazreñ bikher de saaqī

mai ba-andāza-e-ḳhumār nahīñ

zer-e-lab hai abhī tabassum-e-dost

muntashir jalva-e-bahār nahīñ

apnī takmīl kar rahā huuñ maiñ

varna tujh se to mujh ko pyaar nahīñ

chāra-e-intizār kaun kare

terī nafrat bhī ustuvār nahīñ

'faiz' zinda raheñ vo haiñ to sahī

kyā huā gar vafā-shi.ār nahīñ

ishq minnat-e-kash-e-qarar nahin

husn majbur-e-intizar nahin

teri ranjish ki intiha malum

hasraton ka meri shumar nahin

apni nazren bikher de saqi

mai ba-andaza-e-KHumar nahin

zer-e-lab hai abhi tabassum-e-dost

muntashir jalwa-e-bahaar nahin

apni takmil kar raha hun main

warna tujh se to mujh ko pyar nahin

chaara-e-intizar kaun kare

teri nafrat bhi ustuwar nahin

'faiz' zinda rahen wo hain to sahi

kya hua gar wafa-shiar nahin