ishq na-ishq hua zikr mein kam hote hue

'ishq nā-'ishq huā zikr meñ kam hote hue

ham se kuchh bhī na huā aañkh meñ nam hote hue

uñgliyāñ ḳhaak meñ ab pher rahe haiñ afsos

baat nimTā na sake lauh-o-qalam hote hue

sāmne baiThe hue shaḳhs se kiije insāf

aa.ina dekhiye ā.īne meñ zam hote hue

aage mā'lūm nahīñ rāsta hai bhī ki nahīñ

ruuh tak aa to ga.e jism se ham hote hue

sub.h-tā-shām faqat sabr kī had nāptā huuñ

raushnī dekhtā rahtā huuñ maiñ kam hote hue

jahāñ pahuñchā nahīñ jā saktā vahāñ pahuñche haiñ

apne mā'lūm se mā'dūm se ham hote hue

'ishq na-'ishq hua zikr mein kam hote hue

hum se kuchh bhi na hua aankh mein nam hote hue

ungliyan KHak mein ab pher rahe hain afsos

baat nimTa na sake lauh-o-qalam hote hue

samne baiThe hue shaKHs se kije insaf

aaina dekhiye aaine mein zam hote hue

aage ma'lum nahin rasta hai bhi ki nahin

ruh tak aa to gae jism se hum hote hue

subh-ta-sham faqat sabr ki had napta hun

raushni dekhta rahta hun main kam hote hue

jahan pahuncha nahin ja sakta wahan pahunche hain

apne ma'lum se ma'dum se hum hote hue