ishq se dil ko uba dekha

ishq se dil ko uubā dekhā

jism kā jab se saudā dekhā

bhūkā ham ne raaja dekhā

sāgar ko bhī pyāsā dekhā

duniyā dekhī kab bachchoñ ne

c c plus plus jaavā dekhā

ummīdeñ maañ baap kī dekhīñ

bachchoñ kā jab basta dekhā

shāhī path kā lālach mat kar

sachchā rasta kachchā dekhā

badal ke dekhā ham ne phir bhī

raaja lekin bahrā dekhā

tū pyārā hai kyuuñ ki maiñ ne

tujh meñ apnā saayā dekhā

baat agar chubh jaa.e 'ātish'

vaar us kā phir gahrā dekhā

ishq se dil ko uba dekha

jism ka jab se sauda dekha

bhuka hum ne raja dekha

sagar ko bhi pyasa dekha

duniya dekhi kab bachchon ne

c c plus plus jawa dekha

ummiden man bap ki dekhin

bachchon ka jab basta dekha

shahi path ka lalach mat kar

sachcha rasta kachcha dekha

badal ke dekha hum ne phir bhi

raja lekin bahra dekha

tu pyara hai kyun ki main ne

tujh mein apna saya dekha

baat agar chubh jae 'atish'

war us ka phir gahra dekha